Ci io vos lassa alcun notas re un libro que io legeva re productivitate. Que vos vide que, como illo son notas, illo non ha un formato de articulo e alora alcun cosas non son detaliate. Si vos desira que io da plus de detalios re alco ci scripte, que vos me lo face saper. Bon lectura.

Illo comencia con qualcosa troppo logic e natural, mais que on sovente oblida: il non es que somos plus felice quando nos produce plus, nos conseque plus de productivitate quando somos plus felice.

Ille dona un triada auree a comprender: sentir nos ben nos dona plus de energia, minus de stress e plus de ricchessa – e si, ricchessa material, melior resultatos laboral.

Le prime capitulo comencia parlante del energisantes, que son tres:

JOCO, POTER E GENTE

e tracta re le prime de istes, le joco. Nos ha plus de productivitate quando nos vide lo que nos face como un joco e non como un travalio.

On deberea affrontar le diverse cargas con un persona, como un personage de videojoco que va ben con nostre characteristicas e nos debe trovar curiositate in celle cosas. Isto pote ser applicate al studio tornante le cosas que nos non place memorisar in imagines fascinante a nostre personal interesses e gustos.

Nos debe cercar placer in le processo e non in le recompensa ulterior.

Pro haber plus de inclination al creativitate e a cercar diversion, nos debe haber un ambiente que bassa le stress.

Nos debe ser minus seriose – nemo vole jocar con qui es troppo seriose con le interpretation del regulas, mais anque non con qui non tenta jocar vermente.

Le secunde es re

LE POTER

Sentir nos capace nos face haber plus de divertimento faciente alco e anque nos face plus efficiente, essente capaces de haber plus de productivitate. Nos debe sequer le shoshin, ‘mentalitate de comenciante’, nam un comenciante tenta toto con mente aperte e non va directo a lo que sape que functiona. Assi, on sempre meliora e trova nove opportunitates. Inseniar non solmente nos face apprender melio, mais anque plus intelligente. On debe applicar le technica de Feynman ubique.

Le motivation intrinsic es multo plus potente que le extrinsic. Gente a qui on ha offerite un premio pro facer un labor, abandona quando le premio es removite ante que celles a qui non esseva offerite ulle cosa unquam. In ultra, le autonomia (como in le caso del cultura de Netflix) da plus de possibilitates de creation e alimentation de causas intrinsic futur.

Le tertie es re

LE GENTE

e como lor forma de ser affecta nostre productivitate: il ha gente qui suge energia e gente qui lo crea in nos.

Ecce le concepto de ‘scenio’, le genio del scena collective. Como laborar con alteres pro meliorar nos e apprender simul nos face ser meliores in nostre creationes e productiones, frente al concepto de suma zero del competition malsan.

Haber un mentalitate de camerada e contar con alteres adjuta ad attinger plus de productivitate, basate sur le autonomia, le responsabilitate e le securitate del travalio conjuncte.

ADJUTAR AUGMENTA NOSTRE PRODUCTIVITATE

assi como le actos aleatori de generositate.

Como un proverbio svedese dice: un allegressa compartite es duple allegressa; un tristessa compartite es medie tristessa.

Le modo in que on reage al information compartite es importante e pote haber quatro extremos: active positive (typo cheerleader), active destructive (invidiose), passive positive (‘oh, que bon :)’) o passive destructive (‘oh… an tu sape que eveniva a me…?’). Nos, evidentemente, vole restar in le quadrante positive active.

Depois veni un puncto forsan non satis clar: ser candide versus ser honeste. Ser honeste es saper e dicer le veritate del modo que es. Ser candide vole dicer compartir le information que on ha pro ser transparente e assi cercar simul un solution. On debe presentar factos e non opiniones, e sempre offerer alternativas e ideas re solutiones.

Le quarte es re le cerca de

CLARITATE

A vices le tres Ps non son satis e nos debe contar con le motivation. Mais a vices isto anque non suffice e nos besonia disciplina, le mentalitate que nos ha construite in nos de facer alco que nos non vole facer.

Le tertie methodo es celle del disblocage. Simplemente, on remove le calculo ab nostre scarpa.

Depois de isto, ille parla re

LE PARALYSIS DEL INCERTITUDE

Il ha alcun characteristicas vitiose con iste problema, que pote retroalimentar se: nos superestima lo que pote evenir, nos deveni hypervigilante, nos non recognosce signos de securitate (per le hypervigilantia) e nos deveni eludente.

‘Necun plan supervive le prime contacto con le inimico’ (Moltke le Vetule). Un plan non debe ser un cammino fixe, mais un mappa que nos monstra ubi nostre fin es localisate.

Il ha tres cosas que nos alora debe haber in conto:

1. Le proposito del operation.
2. Le fin que on cercava.
3. Le tascas clave que on considera que debe ser prendite.

Si tu cognosce le perque del operation, tu pote trovar comos quando le prime como non functiona. Un poco reminiscente de Sinek.

Altere idea pro haber claritate in nostre interprisa es questionar nos ‘quare’ con cata idea usque su ulterior consequentias. Assi, cata idea aleatori pote ser testate pro vider si illo es utile a nostre objectivo.

Secundo le autor, le scientia ha demonstrate que SMART non es le approche ideal, potente ser mesmo nocente in le curte termino; e que poner objectivos, ben que non in omne contexto, pote ser nocente. Super toto quia, quando nos suffre de procrastination, haber objectivos pote inducer anxietate, pejorante le situation.

Ecce le methodo

NICE

1. Non a longe termino. Assi, on pote ser plus presente e fruer del tasca. In ultra, assi anque nos vermente vide resultatos, nam le objectivo veni cito.
2. Input bassate. in vice de focalisar nos in lo que nos pote o vole consequer, nos debe focalisar nos in lo que nos face cata vice: non ‘perder cinque kilos pro le fin del anno’, mais ‘facer exercitio regular e haber un dieta equilibrate’.
3. Controlabile: jocar con le realitate de nostre vita e non superestimar nostre capacitates o disponibilitate.
4. Energisante: nos debe cercar que le methodo integra joco, gente e poter como supra discutite.

Secundo un professional, imaginar lo que pote evenir nos adjuta prevenir o causar lo que nos vole o non que eveni in usque un 30 %.

Post le perque e le que, nos debe considerar le quando, ubi

LE INTENTIONES DE IMPLEMENTATION

monstra un grande cambio positive pro le productivitate. Assi, per exemplo, le poter del calendarios e horarios. In ultra, le schema ‘si X, tunc Y’ anque offere importante resultatos positive.

E le ultime consilio de iste capitulo es le blocage temporal (‘chronoblocage’, io lo appellara). Isto es le allocation de tempore in nostre horario de focalisation total ad un sol activitate, mittente nos in modo monacho pro maximisar le productivitate. Per exemplo ‘16.00 – 17.00: io studia latino’.

Le quinte capitulo es re trovar

CORAGE

E, pro illo, le prime cosa que nos debe facer es identificar nostre timores. O, melio dicite, lor causa o causas.

Ecce le poter del etiquettage affective, isto es, dicer ad alte voce lo que nos time. Isto diminue le nivellos de cortisol create per celle timor dum mesmo un septimana.

Un maniera pro diminuer le timor es con lo que on appella ‘appreciation cognitive’: le cambio del interpretation de un situation pro sentir nos melio emotionalmente, isto es, non catastrophisar.

In ultra, nos debe identificar quando nos pensa que somos le centro de attention, quando vermente non lo somos. Isto es, ‘nemo se preoccupa de lo que tu face’, o al minus non omnes presta attention a lo que nos face constantemente.

Altere maniera, combinate con saper quando somos le centro de attention, es

LE EFFECTO BATMAN

pro le qual adoptar un persona pro un situation pote adjutar facer le cosa que normalmente nos ha timor a facer.

Le sexte capitulo es re

Comenciar

Arrestar de pensar e comenciar le action. Le lege del inertia applica anque al productivitate e on besonia plus de energia pro comenciar le movimento que pro continuar su inertia. Ergo, quando on procrastina, il es plus facile sequer a procrastinar que comenciar le action.

Pro facer plus facile celle prime eruption de energia ante permitter le inertia facer su travalio virtuose, crear un ambiente que lo face plus facile es essential, como haber notas que nos rememora cosas.

Le prime passo alora es

REDUCER LE FRICTION AMBIENTAL:

si tu vole facer alco, mitte lo litteralmente ante te. Si tu vole practicar le guitarra quando tu arriva a casa, extrahe lo de su cassa ante partir e mitte lo supra le sofa. Quando tu arrivara, tu lo trovara ibi e sera plus facile a facer. Isto anque pote ser haber nostre scriptorio organisate o incapacitar le notificationes de nostre telephono pro usar lo minus. Toto illo impacta nostre productivitate.

Mais nos anque debe reducer

LE FRICTION EMOTIONAL

Quando nostre disposition es le de non laborar, nos pote comenciar con le regula del cinque minutas. In vice del hora que nos voleva passar practicante con le guitarra, practica solmente per cinque minutas. Un vice facite iste prime cinque minutas, le inertia face su travalio e il es plus facile passar plus de tempore laborante, consequente nostre objectivos de tempore original.

Altere methodo es delinear le sequente action. Similar al regula del cinque minutas, in vice de pensar al activitate como un toto, nos solmente attacca le prime passo. In vice del ‘toccar le guitarra per un hora’, le prime passo es simplemente prender lo e adjustar le chordas. Le parve productivitate es anque productivitate.

Ancora altere methodo es le de

REGISTRAR LE PROGRESSO

Isto es, traducer lo in qualcosa quantificabile e visibile.

Le sequente es trovar un companion de responsabilitate. Como esseres social, nos non vole nemo deluse a nos e tunc haber un companion de iste typo adjuta a dar fortia a nostre deber de facer lo que nos vole facer. Iste persona idealmente habera cinque characteristicas: disciplinate, stimulante, patiente, supportator e constructive. Quando tu ha trovate tu companion ideal, vos debe discuter le processo de responsabilitate, como vos vos assecurara de que le altere seque su deber.

Surprendentemente, quando nos procrastina, si nos non nos pardona, somos ancora minus productive. Omne nos procrastina, mais si nos sape pardonar nos, nos pote re-prender le cammino del productivitate. Un maniera de facer lo es celebrar le perque nos lo faceva in vice de torturar nos con lo non facte. E omne nos ha le permission de procrastinar a vices.

Le septime es re

CONSERVAR

attaccante le concepto de arditura o burnout. Ci le autor identifica tres typos differente: celle de laborar troppo, celle de non dormir correctemente e celle de facer le cosas erronee (typo, tolerar per annos ad un chef stupide).

Le prime typo multe vices es facer multo in poc tempore. Alora nos debe relaxar le rhythmo. Nos debe saper lo que nos pote prender, como dicer ‘no’, como usar nostre energias de maniera efficiente (non focalisar al cento per cento in alco, mais anque non multitascar), crear friction con le cosas distrahente (per exemplo, eliminar le apps del retes)… Nos debe considerar anque, obviemente, le pausas. Mi tomates de 50/10 mins pare ser bon. Non solmente per le quantitate, mais anque per le idea de ser fixate in le horario, assi como le tempores blanc. Nos debe vider alcun distractiones como qualcosa positive, pois que illos nos re-energisa, ben que si illos pote haber un impacto negative in le efficientia del momento.

In ultra, nos non debe cader in

LE FALLIMENTO CON ABANDONO

isto es, le tendentia a dicer ‘al merda toto’ quando un parve cosetta de un activitate va mal, como non facer un activitate quia tu ha passate cinque minutas de plus in le rete social e tu dice ‘oh, io ja non lo face del toto e a deman’.

Le octave es re recargar.

Il ha multe cosas que nos face pro relaxar nos, mais que consume nostre energia. Ci le autor nos adjuta identificar iste activitates, como le doomscrolling, e propone substituer los pro altere activitates relaxante mais re-energisante, como haber un promenada. Le activitates creative nos adjuta calmar nos, pois que illos possede quatro characteristicas, que nos pote memorar con le nomine

CARL

Illos nos dona:

1. COMPETENTIA
2. AUTONOMIA
3. RELAXATION
4. LIBERTATE

Le prime in iste categoria CARL es le passatempores, que per definition son cosas que nos face pro amusar nos e que non ha un fin predefinite.

Le secunde son le projectos, con lor fines predefinite. Per exemplo, ecce mi canal de YT.

Le tertie es conectar con le natura, e le studios ha demonstrate que mesmo mirar photos de arbores adjuta in iste senso. Obviemente, quanto plus de natura, melior le resultatos, mais que nos non disdigna cosas simple, como un parve plantetta o un parchetto humile. In ultra, iste ‘tempores natural’ (non dicte assi per le autor, mais justo per me) non besonia haber un longe duration: mesmo un sol minuta ja monstra effectos psychologic positive.

Le quarte, ja nominate, es pasear. Le effectos positive de iste pasear es plus accentuate quando illo es in un loco natural que in un strata, lo qual non es surprendente. Lo surprendente es que, in natura, il es melio que illo sia facte in solitude, durante que in le strata il es melio si illo es con un amico.

Toto dicte, istes son activitates

MINDFUL

pro le quales nos debe ser mentalmente active. Si nos non nos senti con fortias de facer le effortio, a vices il es bon facer ce zapping ‘mindlessly’, isto es, sin usar nostre capite. Iste ‘far niente’ a vices pote ser positive.

Le quinte es lassar nostre mente divagar, ‘flottar in le nihil’, como quando nos prende un ducha.

Le sexte, que pote sonar non productive, es facer nihil quando facer alco pare ser nocive a nostre productivitate o mesmo nostre sanitate. Isto nos permitte ser plus productive depois, le sequente die o quandocunque. In altere parolas, il es melio pro le longe termino non facer ulle cosa a vices. Isto es le principio de Reitof.

Alcun de iste cosas in le categoria pote parer facilemente mixturabile, non solmente in le senso de poter combinar los, mais anque in le senso de differentiar los theoricamente.

Le ultime capitulo es re

ALINEAR

Non omne causa de motivation externe es necessarimente mal.

Ecce es proposte un nove ‘scala’ de motivation: externe (alteres me trovara fascinante), introjecte (io me sentira mal o culpabile si io non lo face), per identification (io valora le scopo de iste activitate) e intrinsic (io ama facer isto). Isto es un scala de autonomia crescente secundo exposte. Le tres prime son formas de motivation extrinsic e celles plus autonome dona plus de motivation. In ultra, plus de motivation per identification es correlate con plus de felicitate.

Ecce altere typo de

BURNOUT

celle que eveni del disalineamento, quando le scopos non va ben con qui somos.

Lo sequente io non scribera detaliatemente: basicamente es le vetule memento mori, exploitante lo de maniera practic con le methodo del panegyrico: scribe tu proprie panegyrico como si tu habeva vivite lo que tu vide como tu vita ideal.

Nos comencia con qualcosa vetule le sequente puncto: designa tu vita de tres manieras:

1. Como sera tu vita in cinque annos si tu seque tu cammino actual.
2. Como sera tu vita in cinque annos si tu cambia tu cammino actual.
3. Como sera tu vita in cinque annos si tu cambia tu cammino actual e le pecunia, le status social e lo que le gente pensa es irrelevante.

Alora le autor parla re lo que le scientistas appella ‘interventiones de affirmation de valores’, que vole dicer identificar tu valores personal justo ora e reflecter re illos.

Le sequente, pro saper como nos va in terminos de successo, es facer

UN ROTA DEL VITA

Nos comencia per designar un rota e divider lo in novem sectiones. Cata section corresponde ad un sub-area de un area de nostre vita:

1. Sanitate: corpore, mente e anima.
2. Laboro: mission, pecunia e crescentia.
3. Relationes: familia, romance e amicos.

Assi, on discoperi que qui actua secundo lo que illes plus valora son plus felice e (igitur) plus productive.

Le sequente consilio es altere vetulo: divide un grande interprisa in parve pasos. Tu non debe prender un passo de cinque punctos, mais cinque parve passettos. In alcun studios, celles focalisate in le parve (proximal) passos in vice del toto esseva duo vices plus productive e se sentiva plus confidente, lo qual es un passo importantissime con le sentir se ben.

Que vos pensa re iste libro? An vos lo ha legite?