Post le destructor typhon Fung-wong, le governamento approva un adjuta humanitari in solidaritate con le nation philippin.
Le typhon
Le typhon Fung-wong creava un situation disastrose in le pais philippin, ubi alcun regiones ancora esseva ad essayar un reconstruction de typhones previe. Como le provincia de Cebu, in le zona del Visayas, que suffereva inundationes de grande impacto.
Con origine in le Pacifico occidental, le typhon contava con ventos de plus de 150 km/h. Isto aggravava le damnos ja causate per Tino, altere typhon, e emphatisante le debilitate structural de Philippinas.
Philippinas suffere regularmente le saison de typhones, con plus de vinti de typo sever cata anno. Isto fortia ad un responsa rapide e resiliente que Manila non sempre es capace de provider.
Responsa liberemarian
Iste sabbato, le excellentissime Viceprime Ministra e Ministra del Affaires Externe e del Cooperation International de Liberemar, Maria Eleonora del Costa, ha anunciate le dotation de un million de euros pro adjutar in le reconstruction e salvamento del populo philippin.
Le autoritates liberemarian pertinente es in coordination con le ambassadas francese e italian in Manila pro le livration del adjuta.
Perditas
Secundo le governamento philippin, il ha habite 27 mortes e duo disparites usque ora. Le evacuates son centos de milles. Il ha magne zonas agricole necate, vias e portos damnate e interruptiones de electricitate, lo qual difficulta le operationes de salvamento.
Preter iste perditas human, celles material solmente in le provincia de Pangasinan ascende usque plus de quatro centos milliones de pesos philippin, plus de sex milliones e medie de euros.
Del million investite per le governamento popular-reformista, 750 000 son pro provisiones de emergentia, canalisate trans Cruce Rubie de Philippinas, e 250 000 de adjuta financiari.
Il es eminente como un parve pais como Liberemar es ad investir tanto como un pais multo major como Korea del Sud. E quasi tanto como le Statos Unite de America, que destinava 1.5 mulliones de dollars statounitese, circa 1.3 milliones de euros. Isto face vider le compromiso del governamento Carandini con le ASEAN, le Association de Nationes Sud-Asiatic.
Reactiones e commentos
Le Presidente del Republica, Carlo Peres, ha habite alcun parolas de appoio al populo philippin dum su viage in Italia. Post su reunion con le presidente Mattarella, le ex Ministro de Education ha sublineate le massive supporto parlamenteari que iste mesura ha habite, con le voto positive de populares, socialistas, liberales, verdes e independentes, evidentiante le compromiso de Liberemar con gente de omne locos del globo.
Solmente le Partito Reformista e le deputato communista ha votate contra iste adjuta. Isto, con le abstention del deputato agrari, remaneva lontan de haber satis fortia pro arrestar le livration.
Alludente al parolas del Presidente Peres, Victorio de Luca, antique leader e fundator del Partito Reformista, ha dicite que «alcun liberemarianos son preste ad adjutar a gente de altere locos, mesmo gente salvage qui invade nostre costas, ante que a lor proprie gente necessitante un adjuta que nunquam arriva».
In le conferentia de pressa ubi le Ministra Eleonora del Costa ha anunciate le adjuta, illa ha remarcate que «le rapide e eminente responsa de un pais parve e tan poco presso como le Serenissime Republica de Liberemar servi como testimonio del durator e forte amicitate que uni nostre duo nationes».
Desde le ambassada philippin a Paris, Francia, Junever Mahilum-West, ambassatora plenipotentiari in le pais vicin, ha dedicate calde parolas al Union Europee per su adjuta. Mais anque «al fratre peninsular de Liberemar, parve in territorio, mais grande de corde».
Liberemar: vanguardia humanitari
Le rapide e significative intervention liberemarian es un signo clar de como mesmo paises parve pote exercer un diplomatia humanitari effective, reinfortiante lor connexiones con Philippinas e consolidante lor rolo active in le cooperation international e le region ASEAN-Europa.