Resultatos imprevisibile e un actuation forte del Serie B occasiona un Cuppa de Hiberno unic
Iste sabbato 29 de novembre, ha habite loco un octavos de final del Cuppa de Hiberno que nemo poterea haber previdite, con un Serie B potente e dante surprisas.
Le partita le plus sequite esseva le Association Sportive Liberapolis, in prime position del Serie A e equipa plus laureate del Cuppa de Hiberno, con quattuordece cuppas, contra Polisportive Citate Nove, prime del Serie B e con tres cuppas hibernal.
Altere partita que attraheva le attention del amantes del football liberemarian esseva le Naval Liberapolis contra Agrovalle, anque duo equipas del Serie A e B respectivemente.
resultatos
Con un joco dominante e sin surprisas, Sancte Marco ganiava per quatro goals a nil a Termal Valle.
Anque con dominantia ab le prime minuta e como expectate, Marin Porto eliminava con tres a nil al Sancte Petro.
Le Marineros quasi da un surprisa, angulante al Portaurelia City con un duo-duo al fin del prime medietate. Mais, in le secunde medietate, le City consequeva duo goals extra que le dava le victoria.
Le Liberapolis Athletic, con un actuation stellar, dominava e eliminava per quatro-nil al Valle Seren F.C.
Con equal dominantia, le Real Liberapolis ganiava 3-1 al Rione Est.
Monteluce A.D. versus Rocca Nigre esseva un partito frenetic, ubi le Roccas dominava 4-2 al fin del prime medietate. Tres goals in le ultime vinti e cinque minutas del partita cambiava le nomine del equipa ganiator e Monteluce passava a quartos.
Mais le grande surprisas, como nos ja anticipava, esseva Polisportive e Agrovalle.
polisportive contra asl
In le caso del prime, le Novos exerceva un dominantia oppressive ab le comenciamento, con un possession de plus del 55% e con le prime goal habente loco ja in le minuta dodece.
Le Polisportive habeva un victoria facile in le phase classificatori contra le Liberian, mais sapeva que le sequente adversario esseva le plus grande del footbal liberemarian, e adoptava un strategia differente, multo plus agressive e con un pression constante ab le prime minuta. Isto, unite al enorme errores del defensa de ASL, se traduceva in un forte quatro-nil.
Nemo esseva preste pro iste fascinante seismo. E, como nostre comentator diceva dum le partita de heri, «hodie, on pote sponder per le Novos e haber un retorno secur. Io non serea surprendite de vider un Serie b ganiar le Cuppa de Hiberno per le prime vice iste Natal».
Mais altere Serie B dava un ultime surprisa heri vespere.
agrovalle contra naval
Agrovalle consequeva un victoria de infarcto in le phase classificatori ganiante con duo goals in le tempore de prolongamento, post un equalitate a tres.
Mais in octavos, le Agrarios debeva batter se con un adversario multo plus grande e dur: le Naval de Liberapolis, un veterano del Serie A.
Post un partita multo exigente, on arrivava al minuta octanta sin goals e un Agrovalle que arrivava troppo al area inimical.
In le 81e, un falta al bordo del area decideva toto e Marco Roccalvo consequeva le prime e unic goal del match, placiante Agrovalle in quartos per le prime vice in su historia.
Le Cuppa de Hiberno comenciava dinamitante qualque prevision. Le Polisportive Citate Nove emerge como le revelation absolute post dismantellar le campion historic. Agrovalle es le David qui face cader omne Goliaths. Tote le hierarchias ha disparite nunc e qualque prevision deveni insecur. Si istes has essite le partitas de octavos, Liberemar va viver un de su plus surprendentes Cuppas del Hiberno in decennios.
quartos de final
| Match | ||
|---|---|---|
| 1 | C.S. Agrovalle (CSAV) | Real Liberapolis FC (RLFC) |
| 2 | Polisportive Citate Nove (PCN) | A.S. Marin Porto (ASMP) |
| 3 | Societate Calcio Sancte Marco (SCM-L) | Monteluce A.S.D. (MAD) |
| 4 | Portaurelia City F.C. (PCF) | Liberapolis Athletic (LA) |