Mi equipa non plus vole vider me. Per me e per le publico, io me debe dimitter. Adeo.
Ecce le ultime parolas de Alessandro Vector, le ora passate director del RadioTelevision Public de Liberemar (RTPL). Ni un sol parola pro su victimas.
Post isto, le Partito Reformista ha petite establir un nove Consilio de Administration pro le RTPL. Caterina Leon, Ministra de Digitalisation, Communication e Information, del PIL, in su comparition ante le pressa, ha declarate super isto:
Le lege non permitte un renovation discretional del Consilio de Administration, sed le dimission del director e le declaration de crisis institutional habilita un votation extraordinari.
Ni le populares ni le Independentes de Liberapolis ha alludite a que le Consilio esseva renovate per ultime vice per le coalition socialdemocrata-verde-liberal, e que Vector esseva “filio” del ultime renovation de 2023. On suspecta que illi vole consequer un renovation sin antagonisar celle partitos, nam un supermajoritate es necessari.
Prime novas del Affaire Vector
Le vinti e sex de januario, Marta Bellini, de Le Quotidiano Civic, publicava un reportage discoperiente le annos de abuso de poter del director de RTPL, Vector, con su collegas. Illo contava con diverse testimonios e con le sequente instantaneo de schermo.
Per duo septimanas, le ora antique director declinava dicer ulle parola re iste caso. Multe de su collegas peteva discretion e attender al decision del tribunales re le denuncias contra ille facite. On debe emphatisar celle tweets per Constantino Vector, fratre de Alessandro, burlante se del victimas e declarante que toto non es plus que un chassa al maga comandate per le fortias de dextra ora in le poter.
Le Syndicato Unitari del Media Public (SUMP) ha applaudite le dimission de Vector como un prime passo verso le sanation del RTPL, mais Marcos Roccas, portavoce del SUMP, emphatisa que le capacitates de decision del RTPL debe ser horizontalisate e que le Consilio de Administration debe perder poter jerarchic, pro assi haber un institution ubi le abuso de poter non pote ser usate como un medio pro comprar favores in excambio de ascensiones. Anque, ille ha declarate que le SUMP demanda le establimento de protocolos de actuation contra iste situationes.
“On non pote attender cata vice usque le abusator decide dimitter se”, ille ha dicite.
Silvia Valles, antique presentatora del programma de actualitates per sedece annos e usque nunc Directora de Operationes Technic de RTPL, ha assumite le direction executive de maniera interime. Quando iste assumption habeva loco, illa ha declarate:
Nos debe regratiar Alessandro per haber prendite le decision correcte. Desde hic, le nove direction invia tote nostre supporto al victimas de celle actos reprobabile.
Possibile nove director: Henrico Vento
Caterina Leon ja ha contactate Henrico Vento como director del nove Consilio de Administration, como suggerite per le Consilio Audiovisual Independente, que debera ser votate per le Assemblea National. Per tertie anno consecutive, Vento ha essite le maestro de ceremonia del Festival de Hiberno, que ha attingite anno post anno numeros record. Vento es un figura que inspira respecto de tote le sectores social.
Post le declarationes del governamento de interprender iste renovation, Elena Marchesi, secretaria general del PSD, ha accusate le executivo de attaccar le independentia de RTPL:
Carandini, dominate per le Reformistas, pare oblidar le mechanismo que su proprie partito creava pro assecurar le independentia del media public. Le proxime electiones legitime del RTPL debe haber loco le proxime anno, mais ille vole violar le poteres del Assemblea.
Brivani, in su canal de YouTube, ha declarate:
Ecce un nove attacco neoliberal al derecto del gente de haber information verace. Le misinformation e le fake news va ser le nove politica del RTPL sub controlo del fascistas.
Post le cadita de Vector, le direction assume le controlo con le urgentia de restaurar le confidentia de un institution in crisis, ma non solo. Valles anque debe proteger le continuitate informative ante le instrumentalisation de un signo o altere dum un anno electoral decisive. Le debatto super le modello de governamento e le efectivitate del mechanismos de prevention remane aperte. Nostre analystas adverte: le resolution de iste precedente definira, pro le proxime decenio, le sanitate del relationes inter le poter politic e le media public del Republica.
Summario
Le dimission de Alessandro Vector clausura un etapa umbrose, mais le conflicto subjacente persiste. Le inminente recomposition del Consilio de Administration redefinira le equilibrio inter le autonomia professional e le controlo politic. Al fin, iste crisis se erige como un test institutional definitive pro le nove governamento e pro le proprie maturitate democratic de Liberemar.